webmin دېگەن زادى قانداق نەرسە؟

Webmin بولسا، مۇلازىمېتىر نۇسخىسىدىكى Linux سىستېمىلارغا ئىشلىتىدىغان كۆزنەكلىك باشقۇرۇش سىستېمىسى بولۇپ، ھېچقانداق كۆزنەك يۈزى يوق مۇلازىمېتىر سىستېمىلاردا بىزنى كۆزنەك ھالەتتە مۇلازىمېتىرنى يىراقتىن باشقۇرۇش بىلەن تەمىنلەيدىغان دېتالدۇر. Windows مۇلازىمىتىرىنى باشقۇرۇش كۆنۈپ قالغان دوستلار، بۇ قورالدىن پايدىلىنىپ، كۆزنەك ھالىتىدە ناھايىتى قولايلىق ھالدا مۇلازىمىتېرنى باشقۇرۇش مەقسىتىگە يىتەلەيدۇ.

webmin نى قاچىلاش ۋە تەڭشەش

ئالدى بىلەن webmin نىڭ ئىگە تورىغا (http://webmin.com) چىقىپ، بۇ دىتالنىڭ ئەڭ يېڭى نەشىرى ۋە چۈشۈرۈش ئادىرىسىنى كۆرىمىز. چۈشۈرۈش ئادىرىسىنى كۆرىۋالغاندىن كىيىن، شۇ ئورۇندىن چۈشۈرۈپ مۇلازىمىتېرغا تاشلىساق ياكى بىۋاستىلا مۇلازىمىتېردا تۆۋەندىكى بۇيرۇقنى بىرىپ چۈشۈرسەك بولىدۇ. (بۇ بۇيرۇقتىكى چۈشۈرۈش ئادىرىسى تور بىكەتتىن كۆرگىنىمىز بويىچە بولىدۇ.) ئىگە تور بىكىتىدە webmin نىڭ ھەر خىل شەكىلدىكى قاچىلاش پروگراممىلىرى تەمىنلەنگەن بولۇپ، ubuntu ماس كىلىدىغىنى deb شەكىلدىكىسى بولغاچقا deb بولىقىنى چۈشۈرىمىز.

wget http://prdownloads.sourceforge.net/webadmin/webmin_1.580_all.deb

تۆۋەندىكى رەسىمدىكىدە بىر قاتار جەريانلاردىن كىيىن، webmin نىڭ deb قاچىلاش بولىقى چۈشۈشكە باشلايدۇ.

چۈشۈپ بولغاندىن كىيىن، تۆۋەندىكى بۇيرۇقنى بىرىپ قاچىلايمىز، ئەلۋەتتە ناۋادا كۆزنەك يۈزلۈكى قاچىلاغلىق بولسا، بىۋاستە قوش چىكىپ قاچىلىساقمۇ بولىدۇ.

sudo dpkg -i webmin_1.580_all.deb

قاچىلاش بۇيرۇقى بىرىلگەندىن كىيىن، ئاۋۋال قاچىلاش بوغچىسى ئاپتوماتىك يىشىلىدۇ، ناۋادا سېستىمىدا باشقا كەمچىلىك ياكى كەم ھۆججەتلەر كۆرۈلمىسە، قاچىلاش تاماملىنىدۇ.

ناۋادا سىستېمىدا كەم ھۆججەتلەر كۆرۈلسە، تۆۋەندىكى بۇيرۇقىنى بېرىش ئارقىلىق كەم ھۆججەت ۋە بۆلەكلەرنى تولۇقلىساق بولىدۇ، تولۇقلاش تاماملانغاندىن كىيىن، webmin مۇ ئاپتوماتىك ھالدا قاچىلاش تاماملىنىپ تەڭشىلىدۇ ۋە قوزغىتىلىدۇ.

sudo apt-get install -f

قاچىلاش تاماملانغاندىن كىيىن، webmin نىڭ باشقۇرۇش ئېغىزى كۆرسىتىلىدۇ. بىز مۇشۇ باشقۇرۇش ئېغىزىنى تور كۆرگۈچتە ئېچىپ، سىستېما ئىشلەتكۈچى ئىسمى ۋە پارول ئارقىلىق باشقۇرۇشقا كىرسەك بولىدۇ. (ئادرېسى: https://127.0.0.1:10000 شەكىلدە بولىدۇ، بۇ يەردىكى https قا دىققەت قىلىڭ.)

باشقۇرۇشقا كىرگەندە ناۋادا ئىشلەتكىنىڭىز Internet Explorer نىڭ 6.0 نەشرى بولسا ھېچ گەپ يوق، ناۋادا ئۇنىڭدىن يۇقىرى ھەر قانداق تور كۆرگۈچ بولسا تۆۋەندىكىدەك خاتالىق ئۇچۇرى كۆرۈنىدۇ، بۇنىڭدا بىز پەرۋا قىلماي، داۋاملاشتۇرۇشنى تاللايمىز. بەتكە كىرگەندىن كېيىن، ئىسىم ۋە پارول تەلەپ قىلىشى مومكىن، بۇ ۋاقىتتا بىز مەشغۇلات سىستېمىسىنىڭ ئىسىم ۋە پارول ئۇچۇرلىرىنى كىرگۈزسەكلا بولىدۇ.

webmin گە كىرگەندىن كىيىن، باشقۇرۇشقا قۇلايسىزلىق بولسا، ئەلۋەتتە ئۆزىمىزگە قۇلايلىق تىلغا تەڭشىۋالساقمۇ بولىدۇ.

 
دىققەت: webmin نى نورمال ئىشلىتىش ئۈچۈن، كومپىيۇتېرىمىزغا java مۇھىتى قاچىلانغان بولۇشى كىرەك. ناۋادا بولمىىسا، بۇ يەردىن چۈشۈرۈپ قاچىلاڭ.

http://www.skycn.com/soft/27213.html

ئادەتتە بۇ مەسىلە چەتئەل نۇسخىدىكى يانفونلار (水货) ۋە چەتئەل نۇسقىدىكى يانفونلارغا ئىشلەنگەن سىستېمىلارنى قاچىلىغاندا كۆرۈلىدىغان بولۇپ، يانفون سىستېمىسىدىكى ئەسلى تور تەڭشىكىنىڭ دۆلەت ئىچىگە ماس كەلمەسلىكتىن كىلىپ چىقىدۇ. (كەسپى تىلدا سىگنال مەنبەسى، خەنزۇچە 基带 ياكى 信息源، ئىنگىلىزچە Baseband دەپ ئاتىلىدۇ.) بۇنىڭ ئۈچۈن مەخسۇس سىگنال مەنبەسىنى ئۆزگەرتىدىغان قوراللار (基带切换) بار بولۇپ، ئادەتتە شۇ تۈردىكى قوراللارنى قاچىلاپلا سىگنال مەنبەسىنى دۆلەت ئىچىگە ماس كېلىدىغان مەنبەگە توغرىلىۋالساق بولىدۇ، (root ھوقوقى بولۇش كېرەك.) ئەلۋەتتە چەتئەلدىكى قىرىنداشلارمۇ، مۇشۇنداق مەسىلىگە دۇچ كەلگەندە مۇشۇنداق قورال ئارقىلىق ئۆزى تۇرۇشلۇق دۆلەت ياكى رايوننىڭ تورىغا تەڭشىۋالسا بولىدۇ.
ئەسلى تېمىغا قايتساق، ئادەتتە باشقا Andorid سىستېمىلارغا بۇ ئالماشتۇرغۇچىنى قاچىلىساق نورمال قاچىلىنىدۇ. بىراق CM9 تۈرىدىكى سىستېمىلارغا بۇ قورال قاچىلانمايدۇ، چۈنكى بۇ سىستېمىدا سىگنال ئۆزگەرتكۈچ توپلاشتۇرۋىتىلگەن، شۇڭىلاشقا سىرىتتىن قايتىلاپ قاچىلاشقا بولمايدۇ، ئۆزىدە بار بولغىنىنى ئىشلەتسەكلا بولىدۇ.

CM9نىڭ 4.0.3 دىكى مەشغۇلات تەرتىپى تۆۋەندىكىچە:
تېلېفون نورمال قوزغالغان ھالەتتە سىستېما ئەپلىرى قاتارىدىن «تەڭشەك (设置)»نى چىكىپ قوزغىتىمىز، ئاندىن ئۇنىڭ ئىچىدىكى «ئالىي (高级)»نى تاللايمىز.

«ئالىي»نىڭ ئىچىگە كىرگەندىن كېيىن، «سىگنال ئالماشتۇرغۇچ (Baseband switcher)» نى قوزغىتىمىز. (دىققەت! بۇنىڭدىن كىيىنكى قەدەم باسقۇچلار، مۇشۇنداق مەسىلە كۆرۈلگەن ھەر قانداق Android يانفونغا ئورتاق.)

«سىگنال ئالماشتۇرغۇچ» قوزغالغاندىن كېيىن، ئالىي ھوقوقنى تەلەپ قىلىدۇ، بۇ تەڭشەك سىستېما بۆلەكلىرى بىلەن مۇناسىۋەتلىك بولغاچقا، چوقۇم ئالىي ھوقوقنى بىرىشىمىز كېرەك.

«سىگنال ئالماشتۇرغۇچ» نورمال قوزغالغاندىن كېيىن، ئەڭ ئۈستىگە قارىساق، ھازىرقى سىگنال مەنبەسىنىڭ دۆلىتىمىز ئەمەس بەلكى. شياڭگاڭ، تەيۋەن رايونى ئىكەنلىكىنى كۆرىمىز، بۇنى مەسىلىنىڭ كىلىپ چىقىشى سەۋەبى دەپ قارىساق بولىدۇ.

بىز ئۈستى تىزىملىكتىن «ئاسىيا تىنچ ئوكيان (亚太)» تۈرىنى تاللىغاندىن كېيىن قارىساق، «جۇڭگو» تۈرىدىن بىر نەچچىنى كۆرىمىز، بۇنىڭ ئىچىدە كۆپ ئىشلىتىدىغان ۋە رايونىمىزغا ماس كېلىدىغىنى 0.26.0 بولۇپ، شۇنى تاللاپ جەزىملەشتۈرگەندىن كېيىن، يانفوننى قايتا قوزغاتساقلا مەسىلە ھەل بولىدۇ.

ubuntuنىڭ سېستىما تەمىنلىگەن تەڭشەك پىروگراممىسىدىن باشقا ئالاھىدە بىر تەڭشەك پىروگراممىسى بولۇپ، سېستىمىنىڭ كۆرۈنمە يۈز خەت نۇسقىسىنى خالىغانچە بەلگىلەشكە بولىدۇ. بۇ تەڭشەك پىروگراممىسىنى قوزغىتىش ئۈچۈن، بۇيرۇق ھالىتىدە تۆۋەندىكى بۇيرۇقنى ئىجرا قىلىمىز.

sudo apt-get install gnome-tweak-tool

مەزكۇر بۇيرۇق ئىجرا قىلىنغاندىن كىيىن، بىر قاتار پىروگرامما بولاقلىرىنى توردىن چۈشۈرىدۇ ۋە ئاپتوماتىك قاچىلايدۇ. قاچىلاش تاماملانغاندىن كىيىن، سىستېمىغا Advanced Settings ناملىق بىر قوللانما قوشىلىدۇ.

قاچىلاش تاماملانغاندىن كىيىن، سىستېما تىزىملىكىدىن Dash Home نى قوزغىتىمىز.

Unity يۈزلۈكىدە بىز كومپىيۇتېرغا قاچىلىغان بارلىق پىروگراممىلار Dash Home غا قاچىلىنىدىغان بولۇپ، بايامقى Advanced Settings مۇ مۇشۇ يەرگە قوشىلىدۇ. بىز «ئىزدەش» كۆزنىكىدە Advanced Settings دەپ يىزىپ ئىزدىسەكمۇ ياكى «تېخىمۇ كۆپ پىروگراممىلار» نىڭ ئىچىدىكى «ئورنىتىلغان» پىروگراممىلار ئارىسىدىن Advanced Settings نى تىپىۋالساقمۇ بولىدۇ.

Advanced Settings نى قوزغاتقاندىن كىيىن، Fonts نى تاللاپ، سېستىما خەت نۇسقىسىنى ئۆزىمىز ياقتۇرىغان خەت نۇسقىسىغا ئۆزگەرتىۋالساق بولىدۇ.

خەت نۇسقىلىرىنى تاللاپ بولغاندىن كىيىن، پۈتۈن سىتېما بۆلەكلىرىدىكى ئۇيغۇرچە خەتلەرنىڭ بىز تاللىغان فونىتتا شۇنداق چىرايلىق چىققانلىقىنى كۆرىمىز.

]]> http://www.kokkaptar.com/795.html/feed 13 http://www.kokkaptar.com/789.html http://www.kokkaptar.com/789.html#comments Fri, 24 Feb 2012 11:26:50 +0000 كۆك كەپتەر http://www.kokkaptar.com/?p=789 كومپىيۇتېردا مەشغۇلات قىلىش جەريانىدا سىستېما قىتىپ قىلىش قاتارلىق سەۋەبلەر بىلەن كومپيۇتېرنى قايتا قوزغىتىشقا ئىھتىياجلىق بولىمىز، بىراق بەزىدە سىستېما قايتا قوزغالسا، بەزى بىر مەسىلىلەرنى كەلتۈرۈپ چىقىرىشى مۇمكىن، بولۇپمۇ مۇلازىمىتېر مەشغۇلات سېستىمىسىنى ئالدىراپلا قايتا قوزغاتساق، مۇلازىمەتتە ئۈزۈلۈش كىلىپ چىقىدۇ.
ubuntu مەشخۇلات سېستىمىسى بىر ئىكران كۆرۈنۈشىدىن باشقا كۆپ نېگىزلىك سىستېما بولۇپ، ئادەتتە سىستېما نېگىزىدە ئالدىراپ كاشىلا كۆرۈلمەيدۇ. ناۋادا كۆزنەك يۈزى قېتىپ قالسا ياكى شۇنىڭغا ئوخشاش سەۋەبلەر بىلەن نورمال ئىشلىتىشكە بولمىسا، ئۇنداقتا يېڭى بىر سېستىما نىگىزىنى قوزغىتىپ، مۇشۇ سىستېما نېگىزىدە تۆۋەندىكى بۇيرۇقنى بىرىش ئارقىلىق سىستېما كۆزنەك يۈزىنى ئايرىملا قايتا قوزغىتالايمىز.
تەپسىلاتى تۆۋەندىكىچە:

Ctrl+Alt+F1 بىرلەشمە كۇنۇپكىسىنى باسساق، بۇيرۇق ھالىتى ئېچىلىدۇ.
بۇيرۇق ھالىتىدە سىستېمىنىڭ ئىشلەتكۈچى ئىسمى ۋە پارولنى كىرگۈزگەندىن كىيىن، تۆۋەندىكى بۇيرۇقلارنى بېرىمىز.

$sudo /etc/init.d/gdm restart

شۇنىڭ بىلەن سېستىما كۆزنەك مۇھىتى قايتا قوزغىلىپ، نورمال ئىشلەش ھالىتىگە قايتىدۇ، يۇقۇرقى بۇيرۇق gnome كۆزنەك يۈزىنىڭ بۇيرۇقى بولۇپ، ناۋادا سىزنىڭ ئىشلىتۋاتقىنىڭىز KDE كۆزنەك يۈزى بولسا ئۇنداقتا تۆۋەندىكىچە بۇيرۇق بېرىڭ.

$sudo /etc/init.d/kdm restart

ئىگىلىنىشچە، كەڭ بەلباغ تورى ئورنىتىشتا، تىلگىراف شىركەتلىرى ئاساسەن «نۇركابىل تارتىش» پىرىنسىپىنى يولغا قويغان بولۇپ، كەلگۈسى بەش يىل ئىچىدە تىلگىراف ئابونىتلىرىنىڭ تور سۈرئېتى ھازىرقى 10ھەسسە تىز بولىدىكەن. قۇرۇلۇش تاماملانغان جايلاردىكى شەھەر ئاھالىلىرىنىڭ تور سۈرئېتى 20Mدىن يۇقۇرى بولغان.
بىرلەشمە خەۋەرلىشىش بولسا، كەلگۈسى ئۈچ يىل ئىچىدە، قۇرۇلۇش تاماملانغان جايلاردىكى شەھەر ئىچى ئابونىتلىرىنىڭ تور سۈرئېتىنىڭ 10M تىن 20M قىچە بولىدىغانلىقىنى ئىلان قىلغان.
تورداشلارنىڭ ئىسىدە بولسا كىرەك، ئالدىنقى مەزگىللەردە كەمىنە كۆك كەپتەر «نۇركابىلنى ئائىلىلەرگە يەتكۈزۈش قۇرۇلۇشى» ناملىق بىر پارچە يازمىنى ئىلان قىلغان. شۇ يازمىدا دىيىلگەندەك، رايونىمىزدىكى نۇرغۇن جايلاردا نۇركابىل قۇرۇلۇشى تاماملانغان بولۇپ، ئۈرۈمچى، شىخەنزە، تۇرپان قاتارلىق جايلاردىكى تىلگىراف ئابونتلىرىغا قارىتا تور تىجارەت زالى ئارقىلىقلا تور سۈرئېتىنى ھەقسىز تىزلىتىش يولغا قويۇلغان. ئۇنىڭدىن باشقا، نۇركابىل قۇرۇلىشى تاماملانغان بارلىق رايونلاردىكى كەڭ بەلباغ تورىنىڭ ئىغىز تىزلىكى بىردەك 8M دىن ئېچىلغان، بۇنداق بولغاندا تور تىزلىكى 2M لىق بولغان ئابونىتلارمۇ تولۇق 2M لىق سۈرئەتتە تورغا ئۇلىنالىغان.

1. بۇ 2008-يىلى يازدا كەمىنە دۇچ كەلگەن بىر ئەھۋال، بىر تارماق ئورنىمىزنىڭ (بۇ بىزنىڭ VLAN نىڭ بىر ئابونىت نۇقتىسى) ئىشخانا بىنا قۇرۇلۇشى تۈپەيلى تور سىمىنى قايتا تارتىش توغرا كەلدى. ھەممە سىملار تارتىلىپ بولدى، روتېر قويۇلدى، روتېرنىڭ ئەھۋالى نورمال… بىراق سىناق قىلىش نەتىجىسدە، ھىچقايسى كومپىيۇتېر تورغا ئۇلىنالمىغان. يۇقۇرى دەرىجىلىك ئاپپاراتتا تۇرۇپ، بۇ ئورۇندىكى روتېرنى PING قىلسا نورمال. چاتاق ئەمدى، مەن نەچچە كۈن جاپا تارتىپ تارتقان تور سىمىغا ئارتىلدى. پۈتۈن سىملارنى ئۈزۈپ، كۆيدۈرۋەتكىدەك بولدۇم… لىكىن يەنە ئاچچىقىمنى بىسۋالدىم. ئاپپاراتلار: Huawei سىۋىچ بىلەن Huawei نىڭ DVPN روتىرى. بۇ ئىككىسىنىڭ ئارلىقتىكى سىم، زاۋۇتتىن پىچىتى بىلەن كەلگەن، بىشى ئۇلاغلىق چىققان سىم ئىدى. بۇنىڭغا شەكسىز ئىشەندىم. لەپتوپنى سىۋىچقا چىتىپ، ping بۇيرۇقىنى بىرىپ قويۇپ، كومپىيۇتېرلارغا ئۇلىنىدىغان سىملارنى بىردىن بىردىن تارتىۋەتتىم، ئۈچ تال سىمنى تارتىپ بولغاندا، ping ئۆتتى. ئۈچ سىمنىڭ ئۈستىدىنى نۇمۇرغا قارىسام، (ئەڭ ئاخىردا تارتىۋەتكىنىممۇ شۇ.) بىرسى، كادىرلار يازدا باراڭنىڭ ئاستىدا، ئىشلەپ قالسا دەپ، سىرىتتىكى بۆلىكىنى بىر يەرگە مۇقىملاشتۇرۋەتمەي يۆگەپلا قويغان سىم. سىرىتقا چىقىپ كۆردۈمكى،  سىمنىڭ بىر ئۇچى تامنى ئاقارتىۋاتقانلارنىڭ چىلىكىدە…  ئاچچىقىمدا، سىمنىڭ ئۇ بىشىنى كىسۋىتىپ، بۇ بىشىنى چىقىرۋىتىپ، بىرسىگە ئىيتتىم: «ماڭ! ماۋۇ سىمنى ئۆيۈڭگە ئاپىرۋەت، ئۆيۈڭدىكىلەر كىر يايسۇن!، مىتىرى بىر يىرىم كويلۇق سىمغا يايسا، ئىتتىك قۇرۇيارمىش ».
بۇ ئىشتا، سىمنىڭ بىر ئۇچى سىۋىچقا چىتىلىغان، يەنە بىر ئۇچى بولسا، سۇغا تاشلانغان، بۇنىڭدىن كىلىپ چىقىدىغان كاشىلا شۇكى، ئاشۇ سىۋىچنىڭ ئاستىدىكى پۈتۈن قىسمى تور پالەچ بولۇپ قالىدۇ، چۈنكى، سىم ماسىلا بولىدۇ دىگەن گەپ، بۇنداق قىلمىشنىڭ يەنە بىر ۋارىيانتى، تور سىمىنىڭ ئىككىلا ئۇچىنى بىر سىۋىچقا چىتىپ قويۇش.

2. تورداشلارغا مەلۇم، كومپىيۇتېر كەسپى بىلەن شۇغۇنلانغانلار، چوڭراق بىر سودا يولىغا ماڭالمىساق، مەگگۈ باي بولماي ئۆتۈپ كىتىشىمىز مومكىن، چىرايلىق ئۆيلەر، ئالىي دەرىجىلىك پىكارلارنىغۇ ئىكراننىڭ تەگىلىكىدە ياكى ۋاپادار جۈپتىمىزنىڭ QQ بوشلۇقىدىلا كۆرەلىشىمىز مومكىن، ئەمدى مىڭ بىر جاپادا ماشىنا ئالساق، كىچىلەردە چارچاپ كەتكەن ۋاقتىمىزدا مايغا چىڭراق دەسسەپ سالساق، جەرىمانە تالونى بىلەن مۇكاپاتلىنىدىغان گەپ، قارانچۇق ئىلىشقا چىدىمايمىز، قانداق قىلىش كىرەك؟ ماۋۇ ئىچكىردىكى مەلۇم بىر پىروگراممىر دوستىمىزنىڭ ئويلاپ تاپقان چارىسىكەن، ناۋادا ئاشۇ بىر قۇر بۇيرۇق، قاتناش ساقچىلىرىنىڭ ساندانىغا كىرسەك قانداق ئاقىۋەت يۈز بىرەر؟ بۇ ئىنىقلا قانۇنسىز قىلمىش، ئىزىپ تىزىپ سىناپ سالماڭ جۇمۇ.

مەزكۇر تاۋار ماركا ئورنىنىڭ تەكشۈرۈشىچە ئالما شىركىتى دۆلىتىمىزدىكى باشقا خەلىقئارالىق شىركەتلەر قوللانغان پۈتۈن تۈر بويىچە (جەمئىي 45تۈر) تىزىملىتىش ئۇسۇلىنى قوللانماستىن، پەقەت 20نەچچە تۈرگىلا تاۋار ماركا ئىلتىماس سۇنغان بولۇپ، بۇ 20نەچچە تۈر، مەزكۇر ئىلتىماس قىلغۇچى ئىلتىماس قىلغان 11 تۈرنى ئۆز ئىچىگە ئالمايدىكەن.
شۇ سەۋەبتىن مەزكۇر تاۋار ماركا ۋاكالەتچىلىك ئورنى 2011-يىلى 8-ئاينىڭ 30-كۈنى دۆلەتلىك تاۋار ماركا ئىدارىسىغا رەسمىي تىزىملىتىش ئىلتىماسى سۇنغان، مەزكۇر ئىلتىماس ئەڭ ئاخىرقى ئۇقتۇرۇش مۇددىتىگە كىرگەن بولۇپ، ناۋادا بۇ ۋاقىت ئىچىدە ھېچقانداق تەرەپ نارازىلىق بىلدۈرمىسە. ئىلتىماس قىلغۇچى IPhone ماركىسىنى دۆلىتىمىز تەۋەسى ئىچىدە قانۇنلۇق ھالدا ئۆز مەھسۇلاتلىرىغا ئىشلىتەلەيتتى. بىراق ئۇقتۇرۇش مۇددىتىنىڭ ئەڭ ئاخىرقى كۈنىدە ئالما شىركىتى بېيجىڭدىكى مەلۇم بىر بىلىم مۈلۈك ھوقوقىنى قوغداش ئورنىغا نارازىلىق ئىلتىماسىنى ھاۋالە قىلغان.
بۇ ئىشقا نىسبەتەن گۇاڭدۇڭ داتۇڭ ئادۋۇكاتلىق ئورنىنىڭ مۇدىرى جۇ يوڭپىڭ قارىشىچە، يىۋۇ شەھرىدىكى سودىگەرنىڭ قىلمىشى قانۇنلۇق بولۇپ، ھېچقانداق تاۋار ماركا دەخلى تەرۈز قىلمىشىنى شەكىللەندۈرمەيدىكەن.

ئۇنىڭدىن باشقا، ئالما شىركىتى بۇ قىتىملىق تاۋار ماركا ماجراسىنى بىر تەرەپ قىلىپ بولسا، يەنە IPAD نىڭ تاۋار ماركا ماجىراسىغا دۇچ كىلىشى مۇمكىن، چۈنكى، ئۆتكەن يىلى 12-ئايدا شېنجىندىكى ۋىيگۈەن تېخنىكا چەكلىك مەسئۇلىيەت شىركىتى جۇڭگو تەۋەلىكىدە، «IPAD» ماركىسىنىڭ ئالما شىركىتىگە تەۋە ئەمەسلىكىنى جاكارلىغان، شۇنىڭ بىلەن بىرگە مەملىكەت مىقياسىدا يەرلىك سودا سانائەت مەمۇرى باشقۇرۇش تارماقلىرى «IPAD» ماركىسىنىڭ تاۋار ماركا دەخلى تەرۈز قىلمىشىنى تەكشۈرگەن، شۇ مەزگىلدە، نۇرغۇن جايلاردا IPADلار سېتىشتىن توختىلغان.

مەزكۇر ماجىرالاردىن كېيىن، كەمىنە كۆك كەپتەر دۆلەتلىك ماركا ئىدارىسىنىڭ تورىدىن IPAD ماركىسىنى تەكشۈردۈم، مېنى ھەيران قالدۇرغىنى شۇ بولدىكى، 47تۈرلۈك تاۋار ماركا تۈرىنىڭ ئىچىدە پەقەت 15تۈرلا ئالما شىركىتىگە تەۋە بولۇپ، قالغان 32تۈرنى شىنجىن ۋىيگۈەن تېخنىكا چەكلىك مەسئۇلىيەت شىركىتى قاتارلىق بىر نەچچە شىركەت تىزىمغا ئالدۇرغان.

/etc/init.d/mysql stop
mysqld_safe --user=mysql --skip-grant-tables --skip-networking & mysql -u root mysql
mysql> UPDATE user SET Password=PASSWORD('yingi_parol') where USER='root';
mysql> FLUSH PRIVILEGES;
mysql> quit
 /etc/init.d/mysql restart

بۇ بۇيرۇقتا، 1. قۇردىكى بۇيرۇقنىڭ رولى: MySQL مۇلازىمىتىرىنى توختىتىش، 2. قۇر: يەرلىك ئىشلەتكۈچى ھالىتىدە MySQL مۇلازىمىتىرىگە كىرىشتىن ئىبارەت. ئۈچىنجى قۇر بولسا، SQL بۇيرۇقى بولۇپ، تىرناق ئىچىگە ئۆزىمىز بىكىتمەكچى بولغان يېڭى پارولنى يىزىپ بەرسەك بولىدۇ. ئەڭ ئاخىرىدا MySQL مۇلازىمىتىرىنى قايتا قوزغاتساقلا يېڭى پارول ئىناۋەتلىك بولىدۇ.

بۈگۈن دوستلارغا مېنى ھەيران قالدۇرغان ۋە كۈلدۈرگەن بىر نەچچە ئىشنى سۆزلەپ بىرەي، بۇ بەلكىم راست بولماسلىقى، بەزىلەرنىڭ چاقچىقى دەپ چۈشەنسەكمۇ، قالايمىقان كودلار كەلتۈرۈپ چىقارغان غەلىتە نەتىجە دەپ چۈشەنسەكمۇ بولىدۇ.

1. ئوقۇش پۈتتۈرۈپ ئۇزۇن ئۆتمەي، يېزىمىزدىكى مەلۇم بىر ھۆكۈمەت ئورنىدا كومپىيۇتېردا ئارخىپ باشقۇردىغان خىزمەتنى ۋاقىتلىق ئىشلىدىم. بۇ 2003-يىللىرى، كومپيۇتېر سېستىمىسىغا WindowsMe ئىشلىتىدىغان، بارماق دىسكا ئانچە ئومۇملاشمىغان (كومپيۇتېرلارنىڭ USB ئېغىزى يوق)، كومپيۇتېرلاردا تور كارتىسى يوق، 1.4Mلىق يۇمشاق دىسكىدا ھۆججەت ئالماشتۇرىدىغان ۋاقىتلىرىمىز ئىدى.
بىر كۈنى چۈشلۈكى، ئادەتتىكىدەكلا خىزمەت قىلىۋاتاتتىم، مەلۇم بىر كەنىت ئوتتۇرا مەكتىپىنىڭ ئوقۇتقۇچىسى (كومپيۇتېر مەشغۇلات خادىمى) ئىشخانىغا مىنى ئىزدەپ كەپتۇ. (ئۇ زامانلاردا بىزنىڭ بۇ چەت يىزىدا، بىر كومپيۇتېرنىڭ كاشىلىسىنى بىر تەرەپ قىلالايدىغان بالىلارنى ساناپ كەلسە، بىر قولنىڭ بارماقلىرى ئىشىپ قالاتتى.)
كومپىيۇتېردا ھۆججەت كۆچۈرگەندە، ھىلىقى ۋاراقنىڭ سول تەرەپتىن ئۇچۇپ، ئوڭ تەرەپكە چۈشىدىغانلىقىنى، بۇ سىستېما ھۆججىتىگە قىستۇرۇلغان بىر تال GIF رەسىم ئىكەنلىكىنى بىلىمىز، ئۇ ئوقۇتقۇچىنىڭ دىيىشىچە، ئەتتىگەن كومپىيۇتېردا بىر ئارخىپنى ئىشلەپ بولۇپ، يۇمشاق دىسكىغا كۆچۈرۈۋاتقاندا، سول تەرەپتىن بىر تال ۋاراق ئۇچۇپ ئوتتۇرغا كەلگەندە توختاپ قاپتۇ، شۇ ھامان ئوڭ تەرەپتىن يەنە بىرتال ۋاراق ئۇچۇپ چىقىپ، ئىككىسى سوقۇشۇپتۇ دە، كومپيۇتېر كۆك ئېكران بولۇپلا قىتىپ قاپتۇ. 

ئاڭلاپ تۇرۇپ كەتتىم، ئۇ ئوقۇتقۇچىنىڭ چىرايىدىكى ئالاقىزادىلىككە قاراپ يالغان سۆزلىگەنلىكىنى تەسەۋۋۇر قىلالمايتتىم. مەكتەپنىڭ 20مىڭ يۈەنلىك كومپيۇتېرى شۇنداق دەپلا بۇزۇلۇپ قالسا، ئايدا 150يۈەن مائاش ئالىدىغان (ۋاقىتلىق) ئوقۇتقۇچى، شەھەرگە رېمونتقا ئىلىپ كىرىپ رىمونىت قىلدۇرۇش ئۈچۈن، ئىككى ئايلىق مائاشى چىقىشمايتتى. شۇنىڭ بىلەن ئۇ ئوقۇتقۇچىنىڭ تەلىپىگە ئاساسەن بىرىپ كومپيۇتېرنى كۆرۈپ باقتىم، ھەقىقەتەن كومپيۇتېر شۇ كۆك ئېكران ھالىتىدە قېتىپ قالغان ئىدى، قايتا قوزغىتىپ چىققان ئۇچۇردىن تەجرىبەمگە ئاساسەن، سىستېما بۇزۇلغانلىقىنى جەزملەشتۈردۈم – دە قايتا سىستېما قاچىلاپ ماڭغۇزۇپ بەردىم.
كېيىن ئاڭلىسام ئۇ كومپيۇتېرنىڭ خەتلىرى پات-پات ئەينەكتە كۆرۈنگەندەك تەتۈر كۆرۈنۈپ خاپا قىلىپ، ئىلىشىپ قالغان كومپىيۇتېركەن دەپ باش مەكتەپكە ئۆتكۈزۈپ بېرىپتىمىش. 

2. تور باشقۇرۇش خىزمىتى كومپيۇتېر ساھەسىدىكى مۇستەقىل بىر خىزمەت بولۇپ، ئادەتتە تورداشلار، تور = كومپيۇتېر دەپلا چۈشىنىدۇ. بۇ خاتا قاراش، نېمىشقا دىسىڭىز، ھازىر كومپيۇتېر ئىشلەتكۈچى، تور بولمىسا ھېچقانداق ئىش قىلالماسلىقى مۇمكىن، بىراق تور باشقۇرغۇچىچۇ؟ بىر تور باشقۇرغۇچى كومپىيۇتېردىكى بىر تال ping بۇيرۇقىدىن باشقا ھىچنىمىگە ئىھتىياجلىق بولماسلىقى مۇمكىن. بۈگۈن ئىچكىردىكى بىر كەسىپدىشىمىز مانا مۇشۇ ping ھەققىدە ناھايىتى غەلىتە بىر ئىشقا دۇچ كەپتۇ.
ping بۇيرۇقى نەتىجىسىدە كۆرۈنگەن بىر قاتار كۆرسەتكۈچلەر ئىچىدە time دەپ بىر كۆرسەتكۈچ بار بولۇپ، بۇ كۆرسەتكۈچ، مۇشۇ قىتىملىق ئۇچۇر بولىقى قارشى تەرەپكە بىرىپ، يەنە قارشى تەرەپتىن جاۋاب ئۇچۇر كەلگۈچە بولغان ۋاقىت كۆرسەتكۈچى بولۇپ، ۋاقىت كۆرسەتكۈچى قانچە چوڭ چىقسا، ئىنكاس قايتۇرۇش تېزلىكىنىڭ شۇنچە ئاستا بولغانلىقىنى ياكى ئۇچۇر ئالماشتۇرۇشقا بولغان توسالغۇنىڭ شۇنچە چوڭ ئىكەنلىكىنى بىلدۈرىدۇ. كۆرسەتكۈچ چوڭ بولۇپ كەتسىغۇ كاشىلا دەپ قاراپ ھەل قىلارمىز، بىراق بۇ كۆرسەتكۈچ، تۆۋەندىكى رەسىمدىكىكدەك زىيادە كىچىك بولۇپ قالسا، قاراپ تۇرماقتىن باشقا ئامال يوق. 

ئۇلار يەنە ئۆزلىرىنىڭ ھىچقانداق توسالغۇسىزلا فۇشىكاڭنىڭ ئوتتاملىرىن ئەگىپ ئۆتكەنلىكىنى، ئۆزلىرى ئىرىشكەن پاروللار ئارقىلىق ئالما، مىكروسوفت ۋە IBM شىركەتلىرىنىڭ زاكاس تالونلىرىنى ياساپ چىقالايدىغانلىقىنى بايان قىلغان.

ئۇنىڭدىن باشقا، بۇ تەشكىلات، چارشەنبە كەچتە Twitter دە سۆزلەپ، فۇشىكاڭ شىركەت تەرەپنىڭ مۇلازىمەت مەركىزى تورى Service.foxconn.com تور بىكىتىنى تاقىۋەتكەنلىكى، بىراق ئۆزلىرىنىڭ بىر مۇنچە زاكاس تالونلىرىنى ياساپ بولغانلىقىنى ئىلان قىلغان.

يۇقۇرقى سۈرەت بولسا، مەزكۇر خاككىرلىق تەشكىلاتى قولغا چۈشۈرگەن خىرىدار ئۇچۇرى ۋە زاكاس تالونىغا مۇناسۋەتلىك ئۇچۇر بولۇپ، زاكاس بەرگۈچى ئالما شىركىتى، مەخپىيەتلىككە ئالاھىدە ئەھمىيەت بىرىدىغان ئالما شىركىتىنىڭ پارولنى بۇ دەرىجىدە ئاددىي بىكىتىشى ئادەمنى ھەقىقەتەن ھەيران قالدۇرىدۇ. مۇلازىمەت مەركىزى تاقالغىنىغا قارىغاندا مەسىلە بىز ئويلىغاندىنمۇ ئارتۇق ئىغىر بولۇشى مومكىن.

كۆك كەپتەر ئىلاۋىسى

ئۇچۇر بىخەتەرلىكى، بولۇپمۇ شەخسىي ئۇچۇرلار بىخەتەرلىكى ئالاھىدە تەكىتلىنۋاتقان ھازىرقىدەك ۋاقىتتا، بۇنداق چوڭ شىركەتنىڭ بىخەتەرلىك سېستىمىسىدىن (بەلكىم فۇشىكاڭدا بۇنچىلىك ئاتالغۇغا ماس كەلگۈدەك سېستىمىمۇ مەۋجۇت ئەمەستۇ.) چاتاق چىقىشى ئادەمنى ھەقىقەتەن ئەندىشىگە سالىدۇ. مىسالغا ئىيتساق، ھازىر مىھمانخانىلارنىڭ ھەممىسى دىگۈدەك خىرىدارلار ئارخىپىنى كومپىيۇتېردا ساقلايدۇ. بىر مىھمانخانا ئۈچۈن ئىلىپ ئىيتقاندا. بىر كومپىيۇتېر ۋە ئىشىك سېستىمىسىدىن باشقا ھىچقانداق ئەسلىھە بولماسلىقى مومكىن، بىخەتەرلىك سېستىمىسىدىن سۆز ئىچىشقۇ ئەسلا مومكىن ئەمەس. ئۇلارنىڭ مىھمانخانا سېستىمىسىدا سانسىزلىغان خېرىدارلارنىڭ كىملىك ئۇچۇرى قاتارلىق شەخسىي ئۇچۇرلار ساقلانغان بولىدۇ، بۇ ئۇچۇرلارنىڭ ئاشكارىلىنىپ كىتىشى، بەلكىم شۇ خىرىدار، شۇ كىملىك ئىگىسىگىلا ئەمەس، بەلكى شۇ ئورۇننىڭ تىجارەت ئەھۋالىغىمۇ ئويلاپ باقمىغان زىيانلارنى ئىلىپ كىلىشى مومكىن. يەنە ئاشخانا باشقۇرۇش سېستىمىسى ئارقىلىق باشقۇرۇلۋاتقان يىمەك- ئىچمەك تىجارەت ئورۇنلىرى، بۇنداق ئورۇنلارنىڭ سىمسىز تورلىرى ئاساسەن مەخپىيلەشتۈرۈلمىگەن… شۇڭا ئۇچۇر بىخەتەرلىكى، كارخانا ۋە تىجارەت ئورۇنلىرى دىققەت قىلىشقا تىگىشلىك بىر نۇقتا بولۇپ قالدىمۇ قانداق…

كۆك كەپتەر كۆرسەتمىسى

يۇقىرىقى بايانلارغا ئاساسلانغاندا، مەزكۇر ۋىرۇسنىڭ خارەكتىرى بۇزغۇنچىلىق بولماستىن بەلكىم جاسوسلىقتىن ئىبارەت بولۇپ، ئاساسلىقى ماتېريال ۋە سانلىق مەلۇمات توپلاش ۋە كونترول قىلىش بولۇپ، ئەڭ خەتەرلىك بولغىنى شۇ سانلىق مەلۇمات توپلاشتىن ئىبارەت. شەخسىي سانلىق مەلۇماتلارنىڭ ئاشكارىلىنىشى سىزنىڭ خۇسۇسىي سىرلىرىڭىزنىڭ ئىچۋىتىلگەنلىكىدىن دىرەك بىرىدۇ.
شۇڭا كەمىنە كۆك كەپتەر، ئېلكىتاب ھۆججەتلىرى ۋە word ھۆججەتلىرىنى ئاچقاندا ئىھتياتچان بولۇشىڭىزنى، ناتونۇش يوللانما ۋە تور بېكەتلىرىدىكى ھۆججەتلەرنى چۈشۈرمەسلىكىڭىزنى تەۋسىيە قىلىدۇ.
ئۇنىڭدىن باشقا، «ئوتتام» قاتارلىق پىروگراممىلارنىڭ رولىدىن تولۇق پايدىلىنىشمۇ ياخشى چارە، شۇ نەرسە ئېنىق بولۇشى كىرەككى، ۋىرۇسخور بىلەن ئوتتامنىڭ رولى ئوخشىمايدىغان بولۇپ، ۋىرۇسخور پەقەت ھۆججەتنى نازارەت قىلىدۇ، ئوتتام بولسا، تورنىڭ ئەھۋالىنى نازارەت قىلىدۇ. شۇڭا ئىشەنچىلىك ئوتتام پىروگراممىلىرىنى قاچىلاپ، تورنىڭ ئىشلىتىش ئەھۋالىغا دىققەت قىلىپ تۇرىشىڭىزنى تەۋسىيە قىلىمىز. تەۋسىيە قىلىشقا ئەرزىيدىغان ئوتتام پىروگراممىلىرىدىن 天网防火墙 بولۇپ، ئاق، قارا تىزىملىكلەر سىزگە بىخەتەر تور مۇھىتى ھازىرلاپ بىرەلەيدۇ.

ئەلۋەتتە، ئۇيغۇربەگ بىلوگىنىڭ قايتىپ كىلىشى خوشاللىنارلىق ئىش بولسىمۇ، يولداش ئۇيغۇربەگدەك بىلوگ تېخنىكىسىدا مەلۇم سەۋىيىگە يەتكەن بىر بىلوگىرنىڭ ئەجەللىك خاتالىقلارنى سادىر قىلغانلىقىغا نىسبەتەن، باشقا بىلوگىرلارنىڭ قەلبىدە نارازىلىق تۇمانلىرىمۇ ئاز ئەمەس. بىز بۇ يەردە يولداش ئۇيغۇربەگنى ۋە ئۇيغۇربەگكە ئوخشاش خاتالىقلارنى سادىر قىلۋاتقان باشقا بىلوگىلارنىمۇ كۈچلۈك ئەيىبلەيمىز. بىر زامانلاردا توردا بىر پاراڭلىرىمىز بار ئىدى – «يازما ئېلان قىلىنىشتىن بۇرۇن سىزگە تەۋە بولسا، ئىلان قىلىنىغاندىن كىيىن كۆپچىلىككە تەئەللۇق، سىزنىڭ قالايمىقان ئۆزگەرتىش ۋە يوقىتىۋېتىش ھوقۇقىڭىز يوق!»- بۇ تىپىك مۇنبەر پاراڭلىرىنىڭ بىرى ئىدى، ئەلۋەتتە، «جان كەتسە كەتسۇن، ئىلھام كەتمىسۇن» دەپ قويىمىز، مىڭ بىر جاپادا يازغان يازمىلار يوقاپ كەتسە، ئەلۋەتتە ئەلەم بولىدۇ-دە، ئۇيغۇربەگكىمۇ ئاسان ئەمەس.
مەزكۇر يازما، يولداش ئۇيغۇربەگ ۋە ئۇيغۇربەگلەر سادىر قىلىپ تۇرىدىغان ئورتاق خاتالىق «سانداننى قەرەللىك زاپاسلىماسلىق» قىلمىشىغا قارىتا يىزىلغان بولۇپ، ئەمەلىيەتتە سىز مەيلى قانچىلىك ھۇرۇن بولۇپ كەتمەڭ، WordPress سىزنى ئەيىپلىمەيدۇ، ئەكسىچە سىزگە ۋاكالىتەن بارلىق زاپاسلاش خىزمەتلەرنى ئاپتوماتىك تاماملاپ بىرىدۇ، مەسىلە سىزنىڭ شۇ ئىقتىدارنى ئىشلىتىش ئىشلەتمەسلىكىڭىزدە.

نۇرغۇن يازارمەنلەرنىڭ ئالقشىغا ئىرىشكەن خەلقئارادا داڭقى بار مەزكۇر بىلوگ سۇپىسىنىڭ نۇرغۇنلىغان ئاپتوماتىك ئىش بىجىرىش قىستۇرمىلىرى بولۇپ، بۇنىڭ ئىچىدە قىزغىن ئالقىشلاشقا تېگىشلىك بىر قىستۇرمىسى بار، ئۇ بولسىمۇ كەمىنە كۆك كەپتەر تەۋسىيە قىلماقچى بولغان BackWPup قىستۇرمىسىدىن ئىبارەت.
مەزكۇر قىستۇرمىنىڭ باشقا قىستۇرمىلاردىن ئارتۇق تەۋسىيە قىلىشقا ئەرزىيدىغان تەرەپلىرى شۇكى، بۇ قىستۇرما سىزنىڭ ساندانىڭىزنى زاپاسلاپلا قالماي، سىزنىڭ بىلوگ بوشلۇقىڭىزدىكى بارلىق ھۆججەتلەرنى قوشۇپ زاپاسلاپ، سىز ئالدىن بەلگىلىگەن ئېلخەت، FTP بوشلۇقى، كومپيۇتېرنىڭ مەلۇم رايونى ياكى Microsoftنىڭ زاپاسلاش مۇلازىمىتىگە ئاپتوماتىك يوللاپ بىرىدۇ، بۇ قىستۇرمىنى قاچىلاپ تەڭشەپ قويغاندىن كېيىن، سىز پەقەت يازما يىزىشنى بىلسىڭىزلا بولدى، ساندان ۋە ھۆججەتلىرىڭىزنىڭ يۈتۈپ كىتىشىدىن ئەنسىرمىسىڭىزمۇ بولىدۇ.

بۇ قىستۇرمىنىڭ ئىشلىتىش ئۇسۇلى

WordPressنىڭ ئارقا سۇپا تىزىملىكىدە «قىستۇرما»نىڭ ئىچىدىن «يېڭىدىن قوشۇش»نى باسىمىز.

قىستۇرمىلارنى ئىزدەش كۆزنىكىدە قىستۇرما ئىسمى BackWPup نى كىرگۈزۈپ ئىزدەيمىز.

ئىزدەپ تاپقان قىستۇرمىلارنىڭ ئارىسىدىن BackWPup نى تېپىپ قاچىلاش بۇيرۇقىنى بىرىمىز. قىستۇرمىنىڭ سىغىمى ناھايىتى كىچىك بولۇپ تىزلا چۈشۈرۈپ بولىدۇ ۋە قاچىلاش تاماملىنىدۇ.

WordPressنىڭ ئارقا سۇپا تىزىملىكىگە قارىساق، BackWPup تىزىملىكىنىڭ قوشۇلغانلىقىنى بايقايمىز. (ناۋادا تاپالمىسىڭىز، قىستۇرما قاچىلانماپتۇ، باشتىن كېلىڭ.) قىستۇرما تىزىملىكىگە كىرىپ،«يېڭىدىن قۇرۇش Add New» بۇيرۇقىنى بىرىمىز.

كۆز ئالدىمىزغا نامايان بولغىنى، قىستۇرمىنىڭ ئىقتىدارلىرى بولۇپ، بىزگە كېرەكلىك ئىقتىدارلارنىڭ ھەممىسى دېگۈدەك بار. بەلگە قويۇلغان بۆلەكلەرنىڭ چۈشەندۈرۈشى تۆۋەندىكىچە:
1. ۋەزىپە ئىسمى (ئىنگىلىزچە ياكى ULY دا بولسۇن، بولمىسا خاتالىق كىلىپ چىقىدۇ.)
2. سانداندىكى زاپاسلىنىدىغان جەدۋەللەر (بىزنىڭ ئۇچۇرلىرىمىز شۇ، ھەممىسىگە بەلگە قويۇڭ.)
3. زاپاسلىنىغان ھۆججەتلەر (Exclude نىڭ ئاستىدىكى تۈرلەرگە بەلگە قويساق، شۇ تۈرنىڭ زاپاسلانمايدىغانلىقىنى بىلدۈرىدۇ. ئادەتتە بىز Blog Uploads ئاستىدىكى تۈرلەرنى زاپاسلىغان بولدى، باشقا قىستۇرما ياكى ئۇسلۇبلارنى ئۆزىڭىز ئىھتىياجغا ئاساسەن تاللاڭ.)
4. زاپاسلاش تۈرلىرى (ساندان ۋە ھۆججەتلەرنىڭ زاپاسلىنىغان ياكى زاپاسلانمايدىغانلىقىنى بىلدۈرىدۇ. مەن ئادەتتە XML، ساندان ۋە ھۆججەتلەرنى بىللە زاپاسلايمەن. 3. بۆلەكنىڭ كۈچكە ئىگە بولۇش بولماسلىقى مۇشۇ يەر بىلەن مۇناسىۋەتلىك.)
5. ۋەزىپىنىڭ تەكرارلىنىش ۋاقتى (بۇنى ئىھتىياجىڭىزغا ئاساسەن بىكىتسىڭىز بولىدۇ، مەن ئادەتتە كۈندە بىر قىتىم زاپاسلاشقا بۇيرۇق بىرىمەن. كۈندە بىر يازما يازالمىساقمۇ، تورداشلارنىڭ ئىنكاسلىرىمۇ بار ئەمەسمۇ.)
6. زاپاسلانغان ھۆججەتنى تاپشۇرۋالىدىغان ئادرېس (بارلىق زاپاسلانغان ئۇچۇرلىرىڭىز مۇشۇ ئېلخەتتە ساقلىنىدۇ. ئىشلەتكەن ئېلخەتنىڭ قوبۇل قىلالايدىغان يەككە ھۆججەت سىغىمىنى چوڭ ئېنىق بىلىشىڭىز كېرەك. ئادەتتە كۆپ قىسىم ئېلخەتلەر 20M دىن چوڭ يەككە ھۆججەتنى قوبۇل قىلمايدۇ. مەن ئادەتتە QQنىڭكىنى ئىشلىتىمەن.)
7. ھۆججەتنى تاپشۇرۇۋالىدىغان FTP بوشلۇقى. (ناۋادا سىزدە ئىشەنچىلىك FTP بوشلۇقى بولسا شۇ يەرگىمۇ تەڭ يوللاپ قويسىڭىز بولىدۇ.)

يۇقۇرقى تەڭشەكلەر تاماملانغاندىن كىيىن، BackWPup تىزىملىكىدىن «Jobs» تۈرىگە كىرسەك، بىر قۇرغان ۋەزىپىنىڭ تەپسىلاتى، زاپاسلانماقچى بولغان ھۆججەتلەرنىڭ چوڭلۇقى كۆرۈنىدۇ. بۇ يەردىن «Run Now»نى باسساق، ۋەزىپە شۇ ھامان ئىجرا بولىدۇ-دە تەڭشەش ئۈنۈمىنى كۆرەلەيمىز.

دىققەت قىلىشقا تېگىشلىك ئىشلار

1. ھۆججەت تاپشۇرۋالغۇچى ئېلخەت ساندۇقى بىرىنجى قىتىم تاپشۇرۋالغاندا مەزكۇر يوللانمىنى ئەخلەت دەپ بىر تەرەپ قىلىۋىتىشى مۇمكىن، چوقۇم بىر قېتىم «ئەخلەت ئەمەس» دەپ تاللاپ قويۇڭ.
2. ئېلخەت ساندۇقىڭىزنىڭ پارول بىخەتەرلىكىگە چوقۇم كاپالەتلىك قىلىڭ.
3. بىلوگ قويۇلغان مۇلازىمىتىرىڭىزنىڭ ئېلخەت ئەۋەتەلەيدىغانلىقى (يەنى ‎php()mail‎ فونكىسىيېسىنى قوللايدىغانلىقى)نى جەزىملەشتۈرۈڭ. بۇنى مۇلازىمىتېر باشقۇرغۇچىلار ھەل قىلىدۇ. قىلالمىسا، كەمىنە كۆك كەپتەرنىڭ «Ubuntu مۇلازىمىتىرىنىڭ ئېلخەت ئەۋەتەلمەسلىك مەسىلىسىنى ھەل قىلىش» دىگەن يازمىسىنى ئوقۇسۇن، ناۋادا پەقەت ئامال بولمىسا، BackWPup سىزگە يەنە بىرخىل ئېلخەت ئەۋەتىش ئىقتىدارى يەنى SMTP ئىقتىدارىنى تەمىنلەيدۇ.
SMTP تەڭشەشتە قىيىنچىلىققا ئۇچرىسىڭىز، كەمىنە كۆك كەپتەردىن ياردەم سورىسڭىز بولىدۇ.

خاتىمە

ھېچقانداق بىر كىشى ئۆزىنىڭ مىڭ بىر جاپادا بارلىققا كەلتۈرگەن ئەمگەك مىۋىسىنى يوقىتىپ قويۇشنى خالىمايدۇ، مۇلازىمىتېر باشقۇرغۇچىلاردا «ساندان ئالتۇندىن قىممەت» دەيدىغان گەپ بار، ئادەتتە ھېچقانداق مۇلازىمىتېر سىزنىڭ ئۇچۇرلىرىڭىزنى، سىز يۈتتۈرۋەتسىڭىزمۇ، مۇلازىمىتېر باشقۇرغۇچى يۈتتۈرۋەتمەيدۇ، بىراق سىز كەسىپچانلىقى ۋە مەسئۇلىيەتچانلىقى تۆۋەن مۇلازىمىتېر ياكى بوشلۇق سودىگىرىگە ئۇچىراپ قالسىڭىز، ئۇيغۇربەگدەك كىلىشمەسلىك چىقسا، ئاھ ئۇرۇپ قالىدىغان گەپ، ئۆزىمىزنىڭ مۈلۈكىنى ئۆزىمىز ياخشى ساقلىمىساق، خەق ھەرگىز ساقلاپ بەرمەيدۇ، شۇڭا بارلىق بىلوگىرلارنىڭ ئۇيغۇربەگ ۋەقەسىدىن ئىبرەت ئېلىپ، ئۇچۇرلىرىنى قوغداشقا ئەھمىيەت بىرىشىنى ئۈمىد قىلىمىز.

sudo apt-get install sendmail-bin
sudo apt-get install sendmail-cf

شۇنىڭ بىلەن مەسىلە ھەل بولدى. 

4G دىگەن زادى نىمە؟
4G دىگىنىمىز، تۆتىنجى ئەۋلاد كۆچمە خەۋەرلىشىش تېخنىكىسى ۋە مۇشۇنىڭغا مۇناسىۋەتلىك تېخنىكىلارنىڭ قىسقارتىپ ئاتىلىشى بولۇپ، 3G كۆچمە خەۋەرلىشىش تېخنىكىسى ۋە WLAN سىمسىز قىسمى تور تېخنىكىسىنىڭ بىرىكىشى نەتىجىسىدە يۇقۇرى سۈپەت ۋە يۇقۇرى ئىنقلىقتىكى سۈرەتلەرنى يوللاش تېخنىكىسىنى كۆرسىتىدۇ. 4G تېخنىكىسى ئىشلەتكۈچىلەرنى نۇمۇر بۇراپ تورغا چىقىش تېخنىكىسىدىن 2000ھەسسە تىز بولغان 100Mbps لىق چۈشۈرۈش ۋە 20Mbps لىق يوللاش تۋخنىكىسى بىلەن تەمىنلەيدۇ. بۇ نۇقتىدىن ئىلىپ ئىيتقاندا 4G تېخنىكىسى ئىشلەتكۈچىلەرنىڭ سىمسىز توردىكى بارلىق ھاجەتلىرىدىن چىقالايدۇ دىگەن سۆز.
ئەلۋەتتە، ئىشلەتكۈچىلەر ئەڭ كۆڭۈل بۆلىدىغان باھا مەسىلىسىدە 4G مۇلازىمىتى بىلەن سىملىق كەڭ بەلباغلىق تورنىڭ باھاسىنىڭ كۆپ پەرىقلەنمەيدىغانلىقى بايان قىلىندى. 4G مۇلازىمىتىنى DSL ياكى سىملىق تىلىۋىزىيە تورى قاپلانمىغان رايونىلارغىمۇ كىڭەيتىشكە بولىدىغان بولۇپ، تورنىڭ قاپلىنىشى جەھەتتە مۇتلەق ئۈستۈنلۈككە ئىرىشەلەيدۇ.

نۆۋەتتە دۇنيادا يولغا قويۇلۋاتقان 4G كۆچمە خەۋەرلىشىش تېخنىكىلىرىن Long-Term Evolution يەنى (LTE) تېخنىكىسى، HSPA+ ۋە WiMax تېخنىكىسى بار بولۇپ، بىز بۇ ئۈچ تېخنىكىنىڭ تەپسىلىي تېخنىكىلىق كۆرسەتكۈچلىرىگە ئانچە قىزىقىپ كەتمەيمىز. ماتېرياللارغا ئاساسلانغاندا WiMax تېخنىكىسىنىڭ بارلىققا كىلىشى بىر قەدەر بالدۇر بولۇپ، بەزى رايونلاردا خۇددى WCDMA تېخنىكىسىدەكلا ئالقىشقا ئىرىشكەن. كەمىنە كۆك كەپتەرمۇ بۇ تېخنىكا ھەققىدە ئانچە مۇنچە ماتېرياللارنى كۆرگەن ئىدىم. بىراق IBM نىڭ سانلىق مەلۇماتلىرىدا كۆرسىتىلىشچە %67 تور كارخانىسى LTE تېخنىكىسىنى تاللاشنى ئويلاشقان بولۇپ، بۇ LTE تېخنىكىسىنىڭ نۇرغۇن ئىلغار تەرەپلىرىگە چىتىلىدىكەن، پەقەت %8 تور كارخانىسىلا WiMAX تېخنىكىسىنى تاللىغان، بۇنداق بولۇشى بەلكىم بۇ تېخنىكا ئارقىلىق خېرىدارلارنى ئەڭ تىز سۈرئەتلىك تور مۇلازىمىتى بىلەن تەمىنلەشنى ئويلاشقان بولۇشى مومكىن. بىراق بىر ئىشلەتكۈچى بولۇش سۈپىتىمىز بىلەن بىزنىڭ تاللايدىغىنىمىز ئەلۋەتتە تىز بولۇپلا قالماي يەنە مۇقىم بولغان تور مۇلازىمىتىدۇر.
خۇددى رايونىمىزدايولغا قويۇلۋاتقان WCDMA مۇلازىمىتىدە خېرىدارلار 21M لىق تور سۈرئېتى بىلەن تەمىنلەيدىغانلىقى بايان قىلىنغان بولسىمۇ، ئەسلىدىكى پىشىپ يىتىلگەن CDMA مۇلازىمىتى ئاساسىدىكى 3G مۇلازىمىتىنىڭ يەنىلا ئالقىشقا ئىرىشۋاتقانلىقى بۇنى تولۇق چۈشەندۈرۈپ بىرەلىشى مومكىن.
ئۇنىڭ ئۈستىگە دۆلىتىمىزمۇ LTE تېخنىكىسى ئاساسىدىكى TD-LTE تېخنىكىسىنى تاللىغان بولۇپ، بۇ تېخنىكا ھازىر جۇڭگو كۆچمە خەۋەرلىشىش شىركىتى بايرىقى ئاستىدا تەتقىق قىلىنۋاتىدۇ، دىمەك بىزنىڭ ئالدى بىلەن ئۇچىرىشىدىغىنىمىز TD-LTE تېخنىكىسى بولىدىغانلىقى تەبىيلا…

پىقىرنىڭ قولىدىكى تېخنىكىلىق ماتېرياللاردا بۇ تېخنىكا ھەققىدە نۇرغۇنلىغان بايانلار بار بولسىمۇ، شارائىت چەكلىمىلىكى تۈپەيلى بۇ تېخنىكا بىلەن ئۇچىرىشىشقا ھازىرچە ئامالسىز، شۇڭا بىۋاستە تەسىراتقا ئىرىشمەي تۇرۇپ كۆپ سۆزلەشنى لايىق تاپمىدىم. بىراق شۇنىڭغا ئىشىنىمىزكى، كۆز ئالدىمىزدىكى تور تېخنىكىسى تەرەققىياتىنىڭ ناھايىتى قىسقىغىنا ۋاقىت ئىچىدىلا بىزنى ئىنتايىن مەمنۇن بولغۇدەك تور سۈرئېتى ۋە قولايلىق مۇلازىمەتلەرگە ئىرىشتۈرىدىغانلىقى ئىنىق.

Windows مەشخۇلات سېستىمىسى FAT تۈرىدىكى ھۆججەت سېستىمىلىرى، NTFS ۋە CDFS نىلا ئوقۇيالايدۇ ۋە باشقۇرالايدۇ. بىراق Linux تۈرىدىكى مەشخۇلات سېستىمىلىرى بولسا، ھازىرغىچە بىز ئاڭلىغان ھۆججەت سېستىمىلىرىغا كۈچى يىتىدۇ. دىمەك، RAW مۇ شۇ قاتاردا بولغان دىگەن سۆز. بۇ ئەھۋالدىن قارىغاندا، Ubuntu لا ئەمەس باشقىلىرىدىمۇ بۇ مەقسەتكە يەتكىلى بولىدۇ. ئەڭ مۇھىمى، ھۆججەتلەرنى مۇشۇ يەردىلا ئالماشتۇرۇپ، قوزغالمىسا، يەنە مۇشۇ يەردىلا ئەسلىگە قايتۇرۇپ قىلالايمىز ئەمەسمۇ.

بەلكىم، سىز يانفونىڭىزدىكى Recovery دىن Share System بۇيرۇقىنى تاپالمىغان بولۇشىڭىز مومكىن، ئۇنداقتا يانفونىڭىزدا Root ھوقوقىغا ئىرىشكەندىن كىيىن، تۆۋەندىكى ئۇلانمىدا تەمىنلەنگەن ئۈچىنجى تەرەپ Recovery نى قاچىلاڭ. شۇندىلا Share System نى كۆرەلەيسىز.

بۇ يەرنى بېسىپ چۈشۈرۈڭ

مانا بۇ يانفونۇمنىڭ ئۇيغۇرچىغا نىسبەتەن ھىچقانداق تونۇتۇش ئىلىپ بارمىغان ھالىتى، سېستىما يۈزىدىكى ھەرىپلەرنىڭ (خەت دىيىشكە پەقەت تىلىم بارمىدى.) ئەھۋالىمۇ ناھايىتى ناچار، شۇڭا بۇ يەردە چىقىرىشتىن نۇمۇس قىلدىم.  سېستىما 2.3.4 ھالەتتە:

ئالدى بىلەن فونت قاچىلاشتىن باشلاندى. قايتا- قايتا سىناقلار نەتىجىسىدە ئۇيغۇرچىنى تونۇتۇشتا لازىم بولىدىغان فونتنىڭ DroidSansArabic.ttf ناملىق فونت ئىكەنلىكىنى جەزىملەشتۈردۈم. شۇنىڭ بىلەن نەلەردىندۇر تىپىۋالغان 1.11MB چوڭلۇقتىكى بىر فونتنى قاچىلىدىم، فونتنى قاچىلىغاندىن كىيىنكى نەتىجە تۆۋەندىكىدەك:

ھازىر فونتلا ئالماشتۇرۇلغان بولۇپ، تېخى باشقا ھۆججەتلەر ئالماشتۇرۇلمىغان ئىدى. ئەمدى باشقا ھۆججەت ئالماشتۇرۇش باشلاندى. دەسلەپتە libskia.so ناملىق ھۆججەتنى ئالماشتۇردۇم. ئەھۋالدا خېلى ياخشىلىنىش بولغاندەك قىلىدۇ.

قارىماققا سېستىما بۆلەكلىرى (قىسقا ئۇچۇر)نىڭ ھالىتى كۆپ تۈزىلىپ كەتكەندەك ئىدى. بىراق تور بىكەتنىڭ ئەھۋالىدىن پەقەتلا رازى بولمىدىم. يەنە داۋاملىق ئالماشتۇرۇش، بۇدا ئەمدى libwebcore.so ھۆججېتى ئالماشتۇرۇلدى.

libwebcore.so ئالماشتۇرۇلغاندىن كىيىن، سېستىما بۆلىكىنىڭ ئەھۋالىدا ھىچقانداق ئۆزگىرىش بولمىدى. بىراق تور بىكەتنىڭ ھالىتى كۆپ ياخشىلانغان. ئۈستىدىكى رەسىمدىن كۆرۋىلىشقا بولىدۇكى، ئۇلانمىغان ھەرىپلەر يوق، پەقەت «ۆ» ھەرىپىلا نورمال كۆرۈنمىگەن بۇ ئىنىقلا فونتنىڭ كەمچىلىكى ئەمەسمۇ. ئەمدى فونت ئالماشتۇراي، فونت ئىزدەپ قارىسام، كومپىيۇتېرىمدا قايسى كۈنى Android 2.3 سېستىمىلىق Sony WT19i يانفوندىن چىقىرۋالغان 171.40kb چوڭلۇقتىكى DroidSansArabic.ttf فونتى ئۇچىراپ قالدى. (كاساپەت! زاۋۇتتىن چىقىشتىلا ئۇيغۇرچىنى شۇنداق چىرايلىق تونۇغان ئىكەن.) شۇنى ئالماشتۇردۇم.

ئۇھ! ئاخىرى تور بىكەت نورماللاشتى، بىراق قىسقا ئۇچۇرنى كۆرسەم فونتتا ئۆزگىرىش بولغان بىلەن، خەتنىڭ ئۇلىنىشىدا يەنىلا ئۆزگىرىش يوق ئىدى. بىراق ماۋۇ فونت كۆزۈمگە يەنە بىرخىل كۆرۈندى، شۇنىڭ بىلەن www.alip.biz دىن 161kb چوڭلۇقتىكى ukij tuz tom دىن ئۆزگەرتىلگەن DroidSansArabic.ttf نى چۈشۈرۈپ قاچىلىدىم.
ئوھوي! ئەمدى ماۋۇ بىر ئۇيغۇرنىڭ يانفونىغا ئوخشىغاندەك قىلامدۇ نىمە.

بىراق قىسقا ئۇچۇرنىڭ ئەھۋالى يەنىلا باشتىكىدەك، نىمىلا بولمىسۇن، دەسلەپتىكى ھالەتتىن خىلىلا ياخشىلانغان ئىدى. بىراق يەنىلا شۇ «ە، ى» ھەرىپلىرى نورمال ئۇلانمىغان.

كۆك كەپتەرنىڭ تەھلىلى ۋەل ھەل قىلىشقا تىگىشلىك مەسىلىلەر:

1. نۇرغۇن تور بىكەتلەردە libicuuc.so نى ئالماشتۇرۇش ھەققىدە بايانلار بولۇپ، مەن بۇ يانفوندا قايسىسىنىلا ئالماشتۇرسام يەنىلا ئوخشاش ھالەت، قىسقىسى بۇ ھۆججەت ھىچقانداق مەسىلىنى ھەل قىلىپ بىرەلمىدى ياكى مەن بايقىماي قالدىم.
2. بۇ يازمىدا كۆرسىتىلگەن libskia.so بىلەن libwebcore.so نى ئايرىم ئايرىم ئالماشتۇرغاندىكى ئەھۋال بىر بىرىگە ئوخشىمايدىغان بولۇپ، ئالدىنقى ھۆججەت سېستىما بۆلەكلىرىگە (قىسقا ئۇچۇر، تېكىسىت ھۆججەت مەزمۇنى قاتارلىقلار) تەسىر كۆرسەتكەن بولۇپ، تور بىكەتكە كۆرسەتكەن تەسىرى چوڭ بولمىغان (بىراق يەنىلا ئازراق تەسىر كۆرسىتەلىگەن.) كىيىنكى ھۆججەتنى ئالماشتۇرغاندى كىيىن تور بىكەتنىڭ ھالىتى بىراقلا ياخشىلانغان. ئىشلەتكەن جاھاننامە سېستىما ئۆزى تەمىنلىگەن جاھاننامە ئىدى.
3. نىمىشقا ھەرخىل نەشىردىكى سېستىمىدا چىققان ھۆججەتلەرنىڭ رولى ئوخشىمايدۇ؟ بەزى يانفونلاردا libicuuc بىلەنلا مەسىلە ھەل بولغان بولسا، motorola نىڭ يانفونىدا libskia ۋە libwebcore ھۆججىتى ئىشلىتىلگەن، يەنە كىلىپ ئىككىسىنىڭ تەسىرى ئوخشاش بولمىغان.
4. ئالماشتۇرۇشتا ئىشلىتىلگەن ھۆججەتلەرنىڭ زادى قانداق پەرقى بار؟ نىمىشقا سېستىما نەشىرىنىڭ يۇقۇرى تۆۋەن بولۇشى بىلەن مۇناسىۋەتسىز بولىدۇ؟ ھۆججەتلەرنىڭ ئايرىم نەشىرى بولامدىغاندۇ ياكى باشقا سەۋەبمىدۇ؟ مەن بۇ ئىككى ھۆججەتنى motorola mb525 نىڭ 2.2 نەشىردىكى ئەرەپچە سېستىمىسىدىنمۇ ئالدىم، cm سېستىمىنىڭ 4.0 نەشىرىدىنمۇ ئالدىم، نەتىجىدە ھەر ئىككىلىسى يانفوننى كىسەككە ئايلاندۇرۇپ قويدى. ھازىر ئىشلەتكەن ھۆججەتنى قۇتبىلىك ئەپەندىمنىڭ توپىدىن چۈشۈرۋالغان ئىدىم، بۇ ھۆججەتلەرنى زادى قانداق پەرىقلەندۈرۈش كىرەك؟

Windows مۇھىتىدا VPN مۇلازىمىتىر قۇرۇش ئۈچۈن، تۆۋەن بولغاندا Windows Server 2003 مەشخۇلات سېستىمىسى بولۇشى كىرەك، ئەلۋەتتە Windows Server2000 مۇھىتىدىمۇ قۇرۇشقا بولىدۇ، بىراق شىركەت تەرەپ ئاللىبۇرۇن توختاتقان مەشخۇلات سېستىمىسى بولغاچقا، ئىشلىتىشنى تەۋسىيە قىلمايمىز. Windows Server 2008 بولسا تېخىمۇ ياخشى جۇمۇ.

VPN مۇلازىمىتى ئەمەلىيەتتە بىر يىتەكلىگۈچكە (路由器) ئوخشاش مۇلازىمەت بولۇپ، بۇ مۇلازىمەت يولغا قويۇلغاندىن كىيىن، مۇلازىمىتېرنى بىر يىتەكلىگۈچكە ئايلاندى دەپ قارىسىڭىز بولىدۇ. يىتەكلىگۈچنى كۆز ئالدىمىزغا كەلتۈرسەك، ئىغىز سانى قانچە بولۇپ كەتسۇن، ئادەتتە پەقەت ئىككى خىللا بولىدۇ، يەنى WAN ۋە LAN ئېغىزىدىن ئىبارەت، بۇلاردىن WAN ئېغىزى كىرىش ئىغىزى، LAN ئېغىزى چىقىش ئېغىزى بولىدۇ، يەنى WAN ئېغىزىدىن كىرگەن ئۇچۇرلار، تاسقاش، چەكلەش ۋە كۆپەيتىش قاتارلىق بىر قاتار جەريانلاردىن ئۆتكەندىن كىيىن، LAN ئېغىزىغا يەتكۈزىلىدۇ.
ئەسلى گىپىمىزگە كەلسەك، ئادەتتە مۇلازىمىتېردا ئىككى دانە تور كارتىسى بولغان ھالەتتە بىرسى WAN بولسا، يەنە بىرسى LAN بولۇپ خىزمەت قىلىدۇ. بىراق ھەممە مۇلازىمىتېردا ئىككى پارچە تور كارتىسى بولۇشى ناتايىن، بۇنداق ھالەتتە قانداق قىلىش كىرەك؟ ئەمەلىيەتتە بىرلا تور كارتىسى بولغان ھالەتتە، بىر پارچە تور كارتىسىنى ھەم LAN ھەم WAN ئىغىز قىلىپ ئىشلىتىشكە بولىدۇ. بۇنداق بولغاندا تەڭشەش ۋە باشقۇرۇش جەريانى قولايلىشىدۇ. ئەمدى تەپسىلاتىغا قۇلاق سالايلى:

Windows2003 مەشخۇلات سېستىمىسى قاچىلىنىپ بولغاندىن كىيىن، «باشلاش» (开始) — «پىروگرامما» (程序) نىڭ ئىچىدىكى «باشقۇرۇش قوراللىرى» (管理工具)نىڭ ئىچىدىن «يىتەكلەش ۋە يىراقتىن زىيارەت» (路由和远程访问) پىروگراممىسى قوزغىتىمىز.

    بۇ يەردە ئۆزىمىزنىڭ مۇلازىمىتېر ئىسمى كۆرۈنىدۇ. مۇلازىمىتېر ئىسمى ئۈستىدە مائۇسنىڭ ئوڭ كۇنۇپكىسىنى بېسىپ، چىققان تىزىملىكتىن «يىتەكلەش ۋە يىراقتىن زىيارەتنى تەڭشەش ۋە قوزغىتىش» (配置并启用路由和远程访问) نى باسىمىز.

چىققان كۆزنەكتە «كىيىنكى قەدەم» (下一步)نى بېسىپ داۋاملاشتۇرىمىز.

    بىزنىڭ قۇرماقچى بولغىنىمىز تاق تور كارتىلىق VPN بولغاچقا، بۇ كۆزنەكتە «ئىختىيارى تەڭشەش» (自定义配置)نى تاللاپ داۋاملاشتۇرىمىز.

    «ئىختىيارى تەڭشەش» تۈرلىرىنىڭ ئىچىدىن «VPNزىيارىتى» (VPN访问)نى تاللاپ داۋاملاشتۇرىمىز.

    تەڭشەلگەن تۈرلەرنى جەزىملەشتۈرۋەتكەندىن كىيىن، مەشخۇلاتنى تاماملايمىز.

    تاماملاش بۇيرۇقى بىرىلگەندە، سېستىما بىزدىن «يىتەكلەش ۋە يىراقتىن زىيارەت» مۇلازىمىتىنىڭ قاچىلىنىپ بولغانلىقى، قوزغىتىش كىرەكلىكىنى سورايدۇ. ئادەتتە Windows Server 2003 نىڭ SP2 نۇسقىسىدىن باشلاپ مەزكۇر مۇلازىمەت قاچىلانغان ھالەتتە چىقىدۇ، ناۋادا قاچىلانمىغان بولسا، سېستىمىنىڭ قاچىلاش دېسكىسى سالساق، ئاپتوماتىك قاچىلىنىدۇ.

    مۇلازىمەت قاچىلىنىپ بولۇنغان بولسا، قوزغىتىشقا بىر ئاز ۋاقىت كىتىدۇ. سەل ساقلاپ تۇرساقلا كۇپايە.

    كۆزنەكتىكى مۇلازىمىتېر ئىسمىنىڭ ئاستىدا تۆۋەندىكىدەك ئۇلىنىش ئېغىزى قاتارلىق تەپسىلىي بۆلەكلەر كۆرۈنگەن بولسا، VPN مۇلازىمىتى قاچىلىنىپ ۋە قوزغىتىلىپ بولدى دىگەن سۆز. ئەمدى خاتىرجەم ئىشلەتسەك بولىدۇ.

    خوش، VPN مۇلازىمىتىگە ئىرىشكەندىن كىيىن، ئىشلىتىش جەريانىدا دۇچ كىلىدىغان مەسىلىلەر نۇرغۇن بولۇپ، تۆۋەندە ئەڭ كۆپ ئۇچىرايدىغان ئىككى مەسىلىگە جاۋاب بىرىلىدۇ:

    سۇئال: VPNمۇلازىمىتىنى ئىشلەتكەندە ئابونىت تەرەپ ئىشلىتىدىغان ئىسىم ۋە پارولنى قانداق بەلگىلەيمىز:

جاۋاب: ئابونىتچى تەرەپلەر VPN گە ئۇلىنىش ئۈچۈن، چوقۇم ئىناۋەتلىك بولغان ئىسىم ۋە پارول كىرگۈزۈشى كىرەك، بولمىسا مۇلازىمىتېر بىلەن ئۇلىنىش مەغلۇپ بولىدۇ. ئابونىت تەرەپ كىرگۈزىدىغان ئىسىم ۋە پارول مۇلازىمىتېردە ئالدىن بەلگىلەپ بىرىلىدىغان بولۇپ، مۇلازىمىتېرغا قوشۇلغان ئەزالىق ئىسمى ۋە پارولنى كۆرسىتىدۇ. بۇنى مۇلازىمىتېرنىڭ تىزگىن تاختا ئىچىدىكى ئىشلەتكۈچى ئۇچۇرىنى باشقۇرۇش كۆزنىكىدىن قوشساق بولىدۇ. بىخەتەرلىك ئۈچۈن، قوشۇلغان ئىسىم ۋە پارولغا ھىچقانداق ئەزالىق گۇرۇپپىسى بەلگىلەنمەيدۇ.

     سۇئال: مېنىڭ مۇلازىمىتىرىم قىسمى تورغا قويۇلغان مۇلازىمىتېر بولۇپ، يىتەكلىگۈچ (路由器) ئارقىلىق تورغا چىقىدۇ. مەن سىرىتتا VPN مۇلازىمىتىنى ئىشلىتىپ قىسمى تورغا كىرىش ئۈچۈن قانداق قىلىشىم كىرەك؟

جاۋاب:  VPN مۇلازىمىتى باشقا WEB ياكى FTP مۇلازىمىتى بىلەن ئوخشاش بىر ئۇلىنىش ئىغىزى ئارقىلىق سىرىتقا تەمىنلىنىدىغان بولۇپ، كەپتەرخانىدا ئىلگىرى سۆزلەنگەن «ئۆز مۇلازىمىتىرىمىزدىكى تور مۇلازىمىتىنى سىرىتقا تەمىنلەش تېخنىكىسى» ئارقىلىق TCP نىڭ 1723 ئېغىزىنى سىرىتقا تەمىنلەپ بەرسەكلا بولىدۇ.

1. ئالدى بىلەن يانفوندا ئالىي ئىشلەتكۈچى (Root) ھوقوقىغا ئىرىشتىم. نىمىشقىدۇر، باشقا يانفونلاردا نورمال ئىشلەيدىغان root قوراللىرىنىڭ ھىچقايسىسى بۇ يانفوندا ئىشلىمىدى، بەلكىم سەپلىمە بىلەن مۇناسىۋەتلىكتۇ (بۇ ھەقتە تېخى ئىزدەنگۈدەك بولمىدىم)، شۇڭا ئامالسىز، كومپىيۇتېردا ئىشلەيدىغان SuperOneClick دەيدىغان قورالدىن پايدىلاندىم.

2.قەدەمدە، ئۆزۈم ياقتۇرىدىغان بىر نەچچە تال ئۇيغۇرچە فونتنى تاللاپ، Root Explorer ئارقىلىق يانفوننىڭ system مۇندەرىجىسى ئاستىدىكى Fonts ئاستىغا كۆچۈردۈم. ئادەتتە Linux سېستىمىلىرىغا فونتنى شۇنداق قاچىلايمىزغۇ.

3. كومپىيۇتېردا ئۆزۈم ياقتۇرۇپ ئىشلىتىپ كىلۋاتقان جاھاننامە Mozilla Firefoxنىڭ يانفون نۇسقىسىنى يانفونغا قاچىلىدىم، ھەمدە يانفوننى قايتا قوزغاتتىم.
يۇقۇرقى مەشخۇلاتلاردىن كىيىن، ئۇيغۇرچە تور بىكەتلەرنى ناھايىتى ياخشى زىيارەت قىلىشقا بولىدۇ. ئەمدى ئۇيغۇرچە كىرگۈزۈش مەسىلىسىنىمۇ ھەل قىلىش كىرەك. بۇنىڭدا قۇتبىلىك ئەپەندىم تەمىنلىگەن ئۇيغۇرچە كىرگۈزگۈچ ناھايىتى ياخشى خىزمەت قىلدى (كۆپ رەھمەت!).

يۇقۇرقى مەشخۇلاتلاردىن كىيىن، تۆۋەندىكى رەسىمدىكىدەك ئۈنۈمگە ئىرىشتىم.

كەمىنە كۆك كەپتەر، خىزمەت ۋە سەپەر جەريانىدا ئىزچىل تۈردە جوڭگۇ تېلگىرافىنىڭ 3G مۇلازىمىتىنى ئىشلىتىپ كىلۋاتقان ئىدىم، بۇنى پەقەت لەپتوپ ۋە ئۈستەل كومپىيۇتېرىدىلا ئىشلەتكىلى بولاتتى. ئەمدى شۇنچە ياخشى دەپ ئالغان يانفوندا بۇ توردىن پايدىلىنالمىسام نىمە ئاۋارىچىلىق بۇ!
تەھلىل قىلىش ئارقىلىق بۇ مەسىلىنىمۇ ناھايىتى ياخشى ھەل قىلۋالدىم. تۆۋەندە كۆپچىلىك بىلەن ئورتاقلاشماقچىمەن.
كۆپچىلىككە مەلۇملۇق، ھازىرقى ئەقلى ئىقتىدارلىق يانفونلارنىڭ ھەممىسىدە WLAN يەنى سىمسىز قىسمى تور ئىقتىدارى سەپلەنگەن، مانا بۇ بىزنىڭ مەسىلىمىزنى ھەل قىلىشتىكى ئاچقۇچ ھېسابلىنىدۇ.

بىرىنجى ھەل قىلىش چارىسى:

3G سېگىنالىنى كومپىيۇتېر ئارقىلىق يانفونغا يەتكۈزۈش:

3G سىگىنالى قوبۇل قىلىدىغان مودىملارنىڭ ھەممىسى كومپىيۇتېرغا USB ئېغىزى ئارقىلىق ئۇلىنىدىغان بولۇپ، بىز، لەپتوپ ئارقىلىق 3G سېگىنالىنى قوبۇل قىلغاندىن كىيىن، قوبۇل قىلغان سېگىنالنى سىمسىز قىسمى تور ئارقىلىق يانفونغا ئۇزاتساق بولىدۇ.
كونكىرىت قەدەم باسقۇچى تۆۋەندىكىچە:

ئالدى بىلەن لەپتوپنىڭ 3G ئۇلىنىشىنى ھەمبەھىرلەيمىز.

ئاندىن لەپتوپنىڭ سىمسىز ئۇلىنىشى ئارقىلىق يانفونغا تەمىنلىنىدىغان سىمسىز تور مۇھىتى قۇرىمىز.

يۇقارقى ئىككى باسقۇچ تاماملانغاندىن كىيىن، يانفون ئارقىلىق سىمسىز تورنى ئىزدەپ تاپالايمىز ھەمدە ئۇنىڭغا ئۇلىنالايمىز. بۇ يەردە دىققەت قىلىشقا تىگىشلىك مەسىلە شۇكى، لەپتوپ ئارقىلىق قۇرۇلغان سىمسىز توردا DHCP مۇلازىمىتى بولمىغاچقا، ئۇلانغان يانفونغا IPنى ئاپتوماتىك تەخسىملىيەلمەيدۇ. شۇڭا IP ئادىرىسنى قولدا بىرىش كىرەك.

ئىككىنجى ھەل قىلىش چارىسى:

3G يىتەكلىگۈچى (روتېر) ئارقىلىق 3Gسېگىنالىنى يەتكۈزۈش:

بۇ ئۇسۇل، مەزكۇر ماقالىمىزدە تەۋسىيە قىلىدىغان ئۇسۇل بولۇپ، كومپىيۇتېر ئىشلىتىش ھاجەتسىز.
3G تورى ئوموملاشقاندىن بۇيان، نۇرغۇن شىركەتلەر، ئوخشىمىغان 3G ئابونىتلىرىنىڭ ئېھتىياجىنى نەزەردە تۇتۇپ، 3G كارتىسىنى بىۋاستە چېتىپ ئىشلەتكىلى بولىدىغان يىتەكلىگۈچلەرنى بازارغا سالغان بولۇپ، بۇ يىتەكلىگۈچلەر سىمسىز قوبۇل قىلىنغان 3G تورى سىگىنالىنى سىملىق ياكى سىمسىز (WLAN) ۋاستە ئارقىلىق تېخىمۇ كۆپ ئىشلەتكۈچىلەرگە يەتكۈزەلەيدۇ، ئوخشاشلا يانفون ئارقىلىق WLANنى قوبۇل قىلىپ پايدىلىنالايسىز.
مەزكۇر يىتەكلىگۈچنىڭ ھەتتا باتارىيە سالغىلى بولىدىغانلىرى بولۇپ، پەقەت بىر تال سىمسىز يىتەكلىگۈچ، 3G مودىمى ئارقىلىقلا يانفونىڭىزدا WLAN ئارقىلىق 3G تورىنى ئىشلىتەلەيسىز. ھەر خىل تىپتىكىلىرىنىڭ تەڭشەش ئۇسۇلى ئوخشىمىغاچقا، بۇ يەردە تونۇشتۇرمايمەن، سېتۋالغاندىن كىيىن، سۈرەتلىك چۈشەندۈرۈش ئارقىلىق تەڭشىسىڭىز بولىدۇ.

كەمىنە كۆك كەپتەرنىڭ ئىشلىتۋاتقىنى، CL-770 تىپلىق سىمسىز 3G يىتەكلىگۈچى بولۇپ، بۇنىڭغا يەنە بىر دانە Huawei EC1261 تىپلىق 3G USB مودىمى (3G上网卡) ۋە جوڭگۇ تىلگىرافىنى ئايلىق ھەققى 30يۈەن بولغان، ئېقىم چەكلەنمەيدىغان 3G كارتىسى سەپلەنگەن.
پىقىرنىڭ يانفونى WCDMA بولغاچقا، جوڭگۇ تىلگىرفىنىڭ CDMA2000 كەسپىنى بىۋاستە ئىشلىتىشكە ئىمكان يوق، شۇڭا يوقارقى ئۇسۇل ئارقىلىق 3G سىگىنالىنى Wifi گە ئايلاندۇرۇپ ئىشلىتىمەن. ئەلۋەتتە يانفون ۋە كومپىيوتېردا تەڭ ئىشلەتكىلى بولىدۇ.